Mesta furða að femínistarnir hafi aldrei krafist sérstakrar broskonu

Hvers vegna ekki? Ætli það verði ekki næst hjá þeim?

Broskallinn er 25 ára í dag

Neytendasamtökin fara offari

Oft hefur margt ágætt komið frá Neytendasamtökunum. Í þessu máli fara samtökin þó offari.

Ég sá umræddar auglýsingar og þar stóð alls EKKI að umræddar sjónvarpsstöðvar væru í boði í háskerpu. Neytendasamtökin virðast hreinlega misskilja auglýsingarnar. Líklega er ekki það gáfulegasta í heimi að fara í fjölmiðlana og auglýsa þann misskilning sinn.

Hvers vegna í ósköpunum ætti Síminn að auglýsa sjónvarp í háskerpu, ef ekki er seld háskerpa?

Vilja að Neytendastofa skoði auglýsingu um háskerpusjónvarp

BRUÐL

Hvernig stendur á því að eyða þarf skattpeningum borgaranna í svona mikinn akstur? Ekki get ég ímyndað mér að þessir 5,7 milljónir kílómetrar hafi allir verið nauðsynlegir, hver einn og einasti. Ekki er Ísland nú svo stórt og glæpamennirnir svo víðförulir. Ætli talan hækki ekki heldur mikið við allt umferðareftirlitið? Á hverjum bitnar svo umferðareftirlitið og sektargreiðslurnar helst? Jú, venjulegum borgurum og skattgreiðendum aftur! 

Þetta kalla ég að bruðla með fé skattborgara. 

Lögreglan ók rúmar 5,7 milljónir kílómetra á síðasta ári

ÓSANNGJARNT

Ákaflega finnst mér ósanngjörn misskiptingin sem líðst í þjóðfélaginu. Á meðan kennarar og aðrar láglaunastéttir vinna myrkranna á milli fyrir 100 - 200 þúsund á mánuði fá þessir menn u.þ.b. tvær milljónir á degi hverjum.

Eitthvað segir mér að þeir séu ekki að vinna alveg fullan vinnudag, þessir menn.

Stjórnendur Kaupþings tekjuhærri en forstjóri Nokia

Á kona heima þarna?

Nú verður auðvitað allt vitlaust, fyrst ég dirfist að segja mína skoðun.

Ég  er hins vegar á báðum áttum með það hvort kona hafi fullt erindi í vinnu sem þessa. Að gæta krúnudjásnanna er einhver mesta ábyrgðarstaða sem hægt er að gegna í þjónustu Englandsdrottningar. Jafnframt er um að ræða einhver mestu djásn í eigu heimsveldisins fyrrverandi. Kalla svoleiðis aðstæður ekki á einstaklinga með krafta í kögglum? Það er hreinlega staðreynd að kvenmenn eru ekki jafnar körlum að líkamlegum burðum og hafa því ekki sömu tök á að vinna vinnu sem kann að krefjast þess að þær taki þátt í átökum.  Mér virðist af málavöxtum sem konan hafi beinlínis verið ráðin til þess að ekki væru eingöngu karlmenn sem gegndu þessu hlutverki.

Ég ætla náðarsamlegast að leyfa mér að efast um getu hennar til að stöðva fíleflda karlmenn með eitthvað misjafnt í huga. Mér finnst satt best að segja, þegar ég les fréttir sem þessar, sem kvenréttindabaráttan sé komin út í algjörar öfgar.

Fyrsta konan í 522 ára sögu varðsveitarinnar

Undirbúningur að slátrun bestu mjólkurbeljunnar hafinn

Er það ekki nokkuð augljóst að þetta er fyrsta skrefið í átt að stærstu einkavinavæðingu Íslandssögunnar?

Merkilegt að þetta skuli gerast núna, þegar augu fólks eru fyrst að opnast almennilega fyrir möguleikum endurnýjanlegrar orku. Ætli ráðamenn séu ekki búnir að koma auga á þessa möguleika og hversu dýrir þeir geta verið í framtíðinni? Ætli almenningur sé búinn að því? Nei, ég held nefnilega ekki.

Ég spái því að þetta verði upphafið að endalokum eiginlegs sjálfstæðis íslenska ríkisins. Þegar sjálf orka landsins og er komin í eigu erlendra aðila og hitinn sömuleiðis á aldeilis eftir að kólna á klakanum - en hitna undir ráðamönnum - á meðan peningamenn með úttroðin veski ylja sér hins vegar við tilhugsunina um "bláa gullið" sitt.

Tillaga um að breyta OR í hlutafélag samþykkt

Ganga menn ekki heilir til skógar?

Hvers lags ribbaldalýður er farinn að vaða hér uppi? Þetta minnir mann helst á það þegar Þorgeir Hávarsson hjó Butralda í herðar niður. Maður spyr sig, var ekki bara hægt að hringja á lögregluna, frekar en að grípa til saxins fyrst? Þá myndi ég ekki kalla það að "fara betur en á horfist" þegar manngreyið hlýtur klofið nef af athæfinu.

Mann setur hálfhljóðan þegar maður heyrir af mönnum sem slá aðra menn um lán, neita svo að greiða það til baka og grípa til vopna í stað þess að borga skuldir sínar! Ættu menn ekki frekar að greiða sínar skuldir í stað þess að reyna að koma sér undan þeim?

Klauf nef árásarmanns með saxi