BRUÐL

Hvernig stendur á því að eyða þarf skattpeningum borgaranna í svona mikinn akstur? Ekki get ég ímyndað mér að þessir 5,7 milljónir kílómetrar hafi allir verið nauðsynlegir, hver einn og einasti. Ekki er Ísland nú svo stórt og glæpamennirnir svo víðförulir. Ætli talan hækki ekki heldur mikið við allt umferðareftirlitið? Á hverjum bitnar svo umferðareftirlitið og sektargreiðslurnar helst? Jú, venjulegum borgurum og skattgreiðendum aftur! 

Þetta kalla ég að bruðla með fé skattborgara. 

Lögreglan ók rúmar 5,7 milljónir kílómetra á síðasta ári

Athugasemdir

[Högni Jóhann Sigurjónsson, 6.9.2007 kl. 12:10]

Ég er ekki hissa á því að þú sért ekki á þingi lengur.

[Karl (IP-tala skráð) 6.9.2007 kl. 12:52]

Segjum tveir!

Það hlítur að vera erfitt að halda úti öflugri löggæslu ef það má svo ekkert kosta, burtséð frá því hvort núverandi staða teljist vera öflug, viðunnandi eða slæm.

[Maggi (IP-tala skráð) 6.9.2007 kl. 13:02]

Mikið er nú gott að þú ert fyrrum þingmaður.

[Bragi Þór (IP-tala skráð) 6.9.2007 kl. 15:01]

Ég stórlega efast nú um að þú sért nú yfir höfuð fyrrverandi þingmaður, einhver krakkalykt af þessu

[Fyrrverandi hræsnari (IP-tala skráð) 6.9.2007 kl. 20:14]

Ef þú værir enn þingmaður myndi ég telja mig vita hver þú værir. Þú átt í það minnsta skoðanabróður á þingi. Ég skora á þig að segja á hvaða þingi þú sast, til gamans. Var það 114-119 löggjafarþing?

Annars finnst mér svolítið furðulegt hvað moggabloggarar æsa sig þegar menn gagnrýna framkvæmdarvaldshafa. Það er álíka viðkvæmt að gagnrýna lögregluna og að teikna skopmynd af Muhamed. Persónulega finnst mér kasúistísk beiting opinbers valds í skjóli óréttlætanlegrar formfestu óþolandi. Hver er sanngirnin í því að sekta menn fyrir að aka 20-30 km/klst yfir hámarkshraða. Það er ekki eins og það sé ofsaakstur.

[Hin Hliðin, 6.9.2007 kl. 21:38]

Hver er sanngirnin í því að sekta menn fyrir að stoppa ekki á stöðvunarskyldu?  Hver er sanngirnin í því að sekta menn fyrir að fara yfir á rauðu ljósi?  20 til 30 yfir þar sem má bara keyra á 30 (skólahverfi) er svolítið mikið finnst mér.  30 yfir þar sem má keyra á 90 er samt 120.  120 kílómetra hraði....   Finnst mönnum það bara í fínu lagi?

Til hvers erum við annars með lögreglu?  Það eina sem þeir gera er að sekta "saklaust" fólk og bösta smákrimma sem er hvort eð er sleppt strax.  Auðvitað er ástandið í þjóðfélaginu lögreglunni að kenna.

Ekki eru það þessir "saklausu" borgarar sem alltaf er verið að stoppa sem eru ástæðan fyrir hækkun sekta og almennu virðingarleysi ungdóms.... Neibbs.  Auðvitað er það allt lögreglunni að kenna.  Og ekki hjálpar það að þeir skuli keyra alla þessa kílómetra á hverju ári á útkeyrðum landbúnaðarvélum.  Eigum við ekki bara að segja nokkrum löggum upp og vera með allt liðið í strætó?  Þá ljóta þeir að keyra minna.  Vissulega yrði minna um þetta auglýsta sýnilega eftirlit en hverjum er ekki sama, við verðum að ná þessari kílómetratölu niður.

[Þingmaður, 6.9.2007 kl. 22:29]

En hvað það er merkilegt hvað fólk telur sig alltaf knúið til að tjá sig um hin mikilvægustu málefni með einni til tveimur setningum sem engan veginn teljast málefnalegar og aðeins eru til þess fallnar að móðga. 

Fyrrverandi hræsnari: persónulega sé ég ekkert að atviksbundinni beitingu opinbers valds, kalli atvikin á annað borð eftir valdbeitingu. Ég er í raun aðeins á móti stífu umferðareftirliti, eins og það er stundað í dag. Ég borga fyrir vegina með mínum skattpeningum og ætti að hafa nokkuð rúman rétt til að nota þá að vild.

Hin hliðin: kaldhæðni er sjaldan málstað fólks til upphefðar. Kaldhæðni er felustaður hins rökþrota manns. 

[Grettir (IP-tala skráð) 6.9.2007 kl. 23:30]

Skil vel að þú sért fyrrum þingmaður. 

[Hin Hliðin, 7.9.2007 kl. 07:29]

Ég borga fyrir vegina með mínum skattpeningum og ætti að hafa nokkuð rúman rétt til að nota þá að vild.

Það er nákvæmlega þetta sem er að umferðarmenningunni í dag.  Það eru of margir sem hugsa svona.  Það eru allir hinir sem líka borga vegina og þeir eru ekki leikvöllur fyrir þá, þig né mig.   Að hugsa sér, ef lögregluan þyrfti ekki að vera að eltast við umferðalagabrjóta allan daginn gæti hún kanski gert eitthvað gagnlegt í staðin.

Hvað eru margir á hverju ári sem látast og örkumlast í umferðinni?  Ekki er það of stífu umferðareftirliti að kenna né of háum sektum.

[Páll (IP-tala skráð) 7.9.2007 kl. 12:57]

Það sem ég les út úr þessari færslu þinni og athugasemdum er það að löggæsla á Íslandi sé of yfirþyrmandi fyrir þinn smekk og að þér finnist að draga eigi úr akstri lögreglubifreiða.  Auk þess virðist sem svo að þú sért mótfallinn því að umferðarlögin, þá sérstaklega reglur um hraðatakmarkanir, séu virt.

Það hræðir mig að manneskja með þessar hugsjónir hafi setið á Alþingi okkar Íslendinga og haft með það að gera hvaða lög eru sett hér í landinu. Ég vona þó að þú sért bara eitt rotið epli í hópnum og að þú eigir þér ekki skoðanabræður sem sitja á þingi.

[Högni Jóhann Sigurjónsson, 7.9.2007 kl. 19:22]

Þú segir að athugasemd mín hafi verið eingöngu til að móðga og alls ekki málefnaleg.

Kæri þingmaður: Framsetning þín á athugasemd þinni við fréttina var nú ekki svo flókin að það þyrfti að eyða mikklum tíma í athugasemd, en ég tek undir að það er eins gott að þú ert fyrverandi því að það bendir allt til að þú sért bara vitlaus og svo það að það varst þú sem móðgaðir, heila starfsstétt.

[hlaupahjúkkan (IP-tala skráð) 7.9.2007 kl. 22:14]

Ég sem hélt það væri nú ekki svona langt frá Hverfisgötunni á Aktu taktu!

Er það ekki ég sem borga vegagjöld og nýtt malbik og allt það? Svo kemur bara löggan reykspólandi og eyðir þessu upp. Svo ég tali nú ekki um mengunina.

Mér finnst að það ætti að leggja niður lögregluna í landinu og notast bara við myndavélar. Hvaða imbi sem er getur skipt um spólu í þeim og svo getur Bjössi bara sjálfur skoðað myndirnar. Hættum að væla um að það þurfi fleiri lögreglumenn, leyfum þeim að hætta, þá sparast svo mikið. Mér finnst að hæstvirtur borgarstjóri Breiðholtsins ætti að berjast fyrir reiðhjólum fyrir allar löggurnar sem eftir eru, mætti svo bara selja þau á síðasta uppboði lögreglunnar. Væri kannski í lagi að halda lögreglustjóranum á Höfuðborgarsvæðinu, hann er hvort eð er svo lítill, það ætti ekki að kosta svo mikið að sauma nýjan búning á hann í nokkur ár í viðbót.