Lélegir karakterar

Það er fljótt að sjást á fólki hvernig það kemur til með að verða þegar það vex úr grasi. Oft þarf ekki nema örfáa til að eyðileggja fyrir fjölda manns. Annars hef ég áður tjáð mig um þennan sið að ganga milli búða og sníkja nammi.

Hér sannast það kannski best að það kann ekki góðri lukku að stýra að hrúga ótal börnum saman í verslanamiðstöð og dæla í þau sykri. Sykur hefur ekki beinlínis róandi áhrif á barnssálirnar.

Skrílslæti í Kringlunni

Eru viðbragðsaðilar að bregðast fólki?

Vegurinn til og frá Reykjavík til austurs er sum sé lokaður. Enginn kemst úr borginni nema hann ætli norður eða vestur. Höfuðborginni. Nú er ég að velta einu fyrir mér. Fjöldinn allur af viðbragðsaðilum er til taks í neyðartilfellum sem þessum:

1. Vegagerðin.

2. Bæjarstarfsmenn

3. Hjálparsveitirnar.

4. Slökkviliðið

5. Lögreglan.

Allir þessir aðilar ættu að geta látið til sín taka þegar almennir borgarar þurfa á hjálp að halda. Þegar aðkoman að sjálfri höfuðborginni er hreinlega lokuð, hvers vegna gerir enginn neitt? Er það ekki nægileg röskun á samgöngum og lífi fólks að vera strandað í bænum og komast hvergi? Eða að vera strandað í Hveragerði og komast ekki heim til sín? Nú spyr ég náttúrlega eins og versti karlfauskur, en í hvað eru skattpeningarnir eiginlega að fara?

(Þessi færsla birtist við aðra frétt sem virðist hafa dottið út á sama tíma og ég skrifaði hana. Biðst velvirðingar á tvítekningunni.)

Ófærð víða um land

Eru viðbragðsaðilar að bregðast fólki?

Vegurinn til og frá Reykjavík til austurs er sum sé lokaður. Enginn kemst úr borginni nema hann ætli norður eða vestur. Höfuðborginni. Nú er ég að velta einu fyrir mér. Fjöldinn allur af viðbragðsaðilum er til taks í neyðartilfellum sem þessum:

1. Vegagerðin.

2. Bæjarstarfsmenn

3. Hjálparsveitirnar.

4. Slökkviliðið

5. Lögreglan.

Allir þessir aðilar ættu að geta látið til sín taka þegar almennir borgarar þurfa á hjálp að halda. Þegar aðkoman að sjálfri höfuðborginni er hreinlega lokuð, hvers vegna gerir enginn neitt? Er það ekki nægileg röskun á samgöngum og lífi fólks að vera strandað í bænum og komast hvergi? Eða að vera strandað í Hveragerði og komast ekki heim til sín? Nú spyr ég náttúrlega eins og versti karlfauskur, en í hvað eru skattpeningarnir eiginlega að fara?

 

Þrengslin og Hellisheiði lokuð

Krónus og einokuninni að kenna

Þarf að segja eitthvað fleira?

 

(Krónus = Bónus og Krónan).

Hlutfallslegt verðlag og landsframleiðsla hæst hér

Þar búa engir hippar eða aðrir mótmælendur

Alveg er ég viss um að þarna úti búa ekki hippar sem kippa sér upp við það að gæði landsins verði nýtt íbúum þess til hagsbóta.

Það er annað en hérna heima, þar sem tilfærsla á hverri steinvölu þarf að fara í umhverfismat og ótal umræður á Alþingi, auk þess sem fólk undir tvítugu grætur krókódílatárum yfir auknum hagvexti.

Virkjað fyrir 55 milljarða

Amerískt smit

Ég er ekki hrifinn af þessum sið.

Það er varla að fólk komist leiðar sinnar á þessum degi fyrir öskrandi börnum, klæddum í skrímslabúninga sem keyptir eru í ToysRus. Það var svo sem við því að búast að gamli norræni siðurinn, að hengja öskupoka aftan á græskulausa vegfarendur viki fyrir "nýjum" sið sem gefur kaupmönnum meira í vasann. Gamli siðurinn var nefnilega ekki nógu söluvænn.

Furðuverur á faraldsfæti

Hvers vegna kostar enn í göngin?

Eins afkáralegt og þetta hljómar finnst mér þetta prýðisframtak hjá þessum ökumanni og dæmi um borgaralega óhlýðni sem ég get vel hugsað mér að taka sjálfur upp. Ég man ekki betur en að gjaldtaka um göngin hafi átt að leggjast af þegar fjárfestingin hefði verið greidd upp. Nú hefur fjárfestingin borgað sig. Hvers vegna kostar þá enn í göngin?

Ók 40 sinnum um Hvalfjarðargöng án þess að borga

Takk, bankafólk.

Þökkum spákaupmönnunum fyrir þessa hörmulegu þróun.

Þökkum spákaupmönnunum jafnframt fyrir styrkingu krónunnar og þar með hnignun sjávarútvegsins og hörmulega þróun í landsbyggðarmálum samfara henni.

Þökkum spákaupmönnunum og bankafólkinu fyrir að stuðla að óðaverðbólgu og þenslu með tilheyrandi vexti verðtryggðra lána sem tekin hafa verið í bönkunum. Þökkum bankafólkinu ennfremur fyrir að keyra upp verð á húsnæði, viðhaldi húsnæðis sem og fasteignagjöldin.

Takk fyrir þetta, frumkvöðlar og forvígismenn nýja hagkerfisins.

Raungengið ekki lægra í heilt ár

Jákvæð þróun

Mikið er gleðilegt að dómaframkvæmdin skuli vera farin að breytast þannig að lögin ná nú yfir háttsemi sem þessa og telji hana til kynferðislegrar áreitni.

Einhverjir hefðu sjálfsagt kallað háttsemina öðru nafni fyrir 20 árum eða svo!

Sendi stúlkum klámfengnar myndir af sér

Hverrar þjóðar eru mennirnir?

...það væri fróðlegt að vita hvort mennirnir sem handteknir voru eru erlendir eða íslenskir.

Öxin fannst og þýfi endurheimt