Eru viðbragðsaðilar að bregðast fólki?

Vegurinn til og frá Reykjavík til austurs er sum sé lokaður. Enginn kemst úr borginni nema hann ætli norður eða vestur. Höfuðborginni. Nú er ég að velta einu fyrir mér. Fjöldinn allur af viðbragðsaðilum er til taks í neyðartilfellum sem þessum:

1. Vegagerðin.

2. Bæjarstarfsmenn

3. Hjálparsveitirnar.

4. Slökkviliðið

5. Lögreglan.

Allir þessir aðilar ættu að geta látið til sín taka þegar almennir borgarar þurfa á hjálp að halda. Þegar aðkoman að sjálfri höfuðborginni er hreinlega lokuð, hvers vegna gerir enginn neitt? Er það ekki nægileg röskun á samgöngum og lífi fólks að vera strandað í bænum og komast hvergi? Eða að vera strandað í Hveragerði og komast ekki heim til sín? Nú spyr ég náttúrlega eins og versti karlfauskur, en í hvað eru skattpeningarnir eiginlega að fara?

(Þessi færsla birtist við aðra frétt sem virðist hafa dottið út á sama tíma og ég skrifaði hana. Biðst velvirðingar á tvítekningunni.)

Ófærð víða um land

Athugasemdir

[Óli (IP-tala skráð) 7.2.2008 kl. 09:29]

þú hlýtur að vera svakalega vitlaus. Ég mætti bíl sem var að skafa veginn uppá hellisheiði í gær, um 2km síðar þá voru strax komnir góðir skaflar, og hann ný farinn yfir. Svo er líka nokkuð til sem heitir vont veður og ekkert skyggni, hvað á lögreglan að gera í því?

[Kristín (IP-tala skráð) 7.2.2008 kl. 09:37]

Sammála síðasta ræðumanni...asnalegt að væla yfir þessu, sérstaklega þar sem allsstaðar er verið að skafa götur og hjálpa þeim sem hafa fest sig.

[teddi (IP-tala skráð) 7.2.2008 kl. 09:39]

Langar að benda þér á að skattpeningar eru ekki að fara til sjálfboðaliða björgunarsveita. Og hingað til hafa hjálparsveitir,slökkvilið lögregla ekki verið að moka götur og heiðar.

[corvus corax, 7.2.2008 kl. 09:43]

Ég átti leið í vinnuna í morgun eins og stundum gjarnan oft áður og var auðvitað á mínum vel útbúna jeppa. Það eru tæpir 3 km heiman frá mér í vinnuna fyrir austan Elliðaár. Á þessari leið var ég þrisvar sinnum strand vegna illa útbúinna bíla sem komust hvorki lönd né strönd heldur spóluðu djöfulinn ráðalausan á nýruddum götum. Ég lét mig hafa það að fara út og ýta á öllum þremur stöðunum en hugsaði um leið að það er hrein ósvífni að fara af stað illa búinn, tefja fyrir öðrum að óþörfu og treysta svo á að einhver hjálpi þrátt fyrir aulaháttinn. Og svo vil ég endilega geta þess hér að ökumaður flottræfilsjeppa sem var strand aftan við minn bíl á einum staðnum lét sig hafa það að liggja á flautunni á meðan við vorum að ýta þeim vanbúna. Flautið hans hjálpaði okkur að sjálfsögðu mikið, jafnvel meira en ef hann hefði komið út að hjálpa okkur að ýta af því hann hafði víst ekki gáfur í annað en að flauta við þessar aðstæður.

[Tinna (IP-tala skráð) 7.2.2008 kl. 09:46]

Þú hlýtur að vera að grínast? Og ef ekki þá hlýtur þú að vera alveg hræðilega skammsýnn og/eða treggáfaður. 

Fólki sem þykir það virkilega vera neyð að komast ekki til síns heima, þrátt fyrir að hafa húsaskjól annars staðar,  ætti aðeins að hugsa lengra. Veður getur verið mjög vont á Íslandi og þá erfitt og jafnvel ómögulegt að halda vegum opnum. Þrátt fyrir að götur séu skafnar þá geta viðbragðsaðilar lítið gert til að stöðva mikinn skafrenning sem verður til þess að skyggni er það lélegt að fólk sem er á ferðinni lendir í vandræðum þrátt fyrir að snjómoksturstæki séu stanslaust á ferðinni.

Ég hugsa líka að það myndi heyrast háværar óánægjuraddir ef viðbragðsaðilar gætu ekki komið alvarlega veiku eða slösuðu fólki til hjálpar því þeir væru uppteknir við að hjálpa eiginhagsmunaseggjum, sem skylgreina það sem neyð að komast ekki frá Hveragerði, við að komast til síns heima.

[corvus corax, 7.2.2008 kl. 09:51]

Þetta er rétt hjá Tinnu. En mér finnst persónulega að viðbragðsaðilar ættu að drífa sig eitthvert út í sveit að smala búpeningi við svona aðstæður að hætti Landhelgisgæslunnar og hafna því að verja dýrmætum tíma sínum og fjármunum í vitleysinga eins og mannfólkið sem getur bara bjargað sér sjálft. Eins væri gaman að heyra nú í meðvituðu social-feminisku mussukellingunum sem blaðra um það á hverju ári að fólk ætti ekki að eyða öllum þessum peningum í flugelda heldur styrkja frekar eitthvert gott málefni (eins og t.d. björgunarsveitirnar???).

[Birkir (IP-tala skráð) 7.2.2008 kl. 09:51]

Já, ég er sammála öðrum sem kommenta. Ég veit ekki betur en að allar snjómokstursvélar séu á fullu þegar svona er statt. Og lögregla og björgunarsveitir að aðstoða fólk sem hefur fests sig og þess háttar. Eins og sagt er í fréttinni á mogganum, þá hafa þeir ekki undan þessu og vinna í að hafa aðalgötur og strætóleiðir opnar. 

Veit ekki alveg hvers þú ætlars annars... viltu að lögrelgumenn og slökviðliðsmenn taki upp skóflu og fari að moka!

Auðvita er slæmt að það sé lokað út úr og inn í bæinn til austurs, en það er eflaust mikilvægara að hafa aðalgötur innan bæjarins opnar... Hvað myndir þú annars gera ef það væri fært inn í bæinn en svo allt ófært í bænum??  

Þú verður nú að hugsa þetta út á enda! 

[Birkir Óskarsson (IP-tala skráð) 7.2.2008 kl. 09:53]

Þetta er fólkinu að kenna sem fer út í umferðina á illa búnum bílum, ekki viðbragðsaðilum!

[Sigfús hornamaður (IP-tala skráð) 7.2.2008 kl. 10:03]

Ég vil nú fá að gera smá athugasemd og taka að nokkru leyti undir orð Þingmannsins.

Hvaða rugl er þetta? Er ekki mikilvægt fyrir lögregluna og björgunarsveitirnar, sem við erum að eyða endalausum skattpeningum í, að hjálpa almennum borgurum mæta í vinnuna og vinna fyrir þessu þjóðfélagi? Og er það ekki neyð að vera fastur í ókunnugu húsi yfir nótt? Nú skil ég ekki. Á frekar að eyða öllum kröftum í að bjarga einhverjum heimskum loðnum frökkum sem týnast öðru hvoru uppi á jökli?

Þetta er nú meiri vitleysan. Sjáið til.

Björgunarsveitirnar kosta okkur formúgur. Mér er drullusama þó fólkið í þeim séu sjálfboðaliðar. Eitthvað kosta þessi tæki og bæði ríki og sérstaklega sveitarfélög eyða hundruð milljónum árlega svo að þessir apakettir geti keypt sér dýra jeppa og vélsleða og leikið sér á þeim og þóttst vera einhverjar hetjur. En svo þegar það á að hjálpa venjulegu fólki komast leiðar sínar yfir nálægar heiðar eða í höfuðborginni sjálfri þá hlaupa allir í vörn...vilja kúra aðeins lengur í sænginni og nenna hreinlega ekki að vakna.

Auk þess er það Tinnu ekki til framdráttar að rita orðið "skilgreina" með ypsiloni og Krumma að tala um "social-feminiskar mussukerlingar". Að tala svona niðrandi um konur er skammarlegt og öll orð þín verða ómerk með þessu.

Góðar stundir. Sigfús Ásgeirsson Pálz

[Heimir B. (IP-tala skráð) 7.2.2008 kl. 10:05]

Ég bara trúi því ekki að "fyrrum þingmaður sem vill ekki láta nafn síns getið" hafi sagt svona lagað.

[Öddi (IP-tala skráð) 7.2.2008 kl. 10:10]

Halló? hvernig dettur þér þetta í hug? Ég er alveg viss um að allir þessir aðilar sem þú taldir upp séu á fullu að hjálpa fólki.

[Sigfús (IP-tala skráð) 7.2.2008 kl. 10:16]

Heimir B. Afhverju trúirðu því ekki? Kannski er hann bara sá eini sem þorir að segja það sem þúsundir okkar eru að hugsa. Þetta er allavega nákvæmlega það sem ég hugsaði þegar ég keyrði í vinnuna í morgun. Það er búið að snjóa frá kvöldmatarleytinu í gær og ekki gera þessar liðleysur neitt fyrr en allt er komið í óefni. Að sjálfssögðu áttu allar björgunarsveitir, lögregla, slökkvilið og fleiri í þjónustustörfum hjá ríki og bæjum að mæta út strax þá og vinna yfir nóttina til að forða okkur frá þessu ófremdarástandi í morgunsárið. Að sjálfsögðu. Það er ekki eins og þetta sé unnið í sjálboðastarfi. Þau fá greitt frá okkur, og það meira að segja í raun allt of há laun miðað við letina og frekjuna. Alltaf að heimta nýja og flottari bíla og vélsleða, aldrei ánægð með neitt...ný þyrla, nýr econline, nýr vélsleði, alltaf verið að safna fyrir nýju. Verið ánægð með það sem þið hafið. Það er kúkalykt af þessu kommenti frá þér Heimir.

[Bjarni (IP-tala skráð) 7.2.2008 kl. 10:19]

Ég hef nú bara ekki séð betur en að björgunarsveitir og lögregla séu á fullu við að ýta bílum og draga þá í svona færð. En væntanlega er forgangsröðun hjá þeim, og þrátt fyrir færðina þá eru einnig hjartaáföll, meðvitundarleysi og mannslát sem lögregla og slökkvilið setja í forgang.

Hvernig væri bara að bjánarnir sem hafa ekkert að gera hætti að fara út á rúntinn þegar fólk er varað við því að vera á ferð, og sérstaklega þeir sem er á sumardekkjum, það myndi nú bara laga hlutina þó nokkuð..

[Birkir (IP-tala skráð) 7.2.2008 kl. 10:29]

Þetta komment hjá Sigfúsi finnst mér einkennast af þekkingarleysi. Mér finnst sjálfsagt að lögregla og fleiri reyni að gera allt til þess að koma fólki í og úr vinnu ef þarf. En þegar fólk fer vanbúið út, jafnvel þegar það er búið að vara fólki við ófærð, og lögregla og björgunarsveitir þurfa að vera hjálpa þessum einstaklingum frekar en að vera vinna í því að geta opnað götur fyrir öllum.

Ég ætla ekki að tjá mig um hvað ríkið leggur mikið af mörkum til að geta gert björgunarsveitum lífið auðveldara. Hins vegar er alveg ljóst að þú hefur líklegast aldrei kynnst því sem björgunarsveitarnar standa fyrir. Hver heldur þú að sé einmitt að hjálpa fólki að komast í vinnu þegar ófært er. Það er einmitt björgunarsveitin, með sína "dýru jeppa". Ekki kæmist lögrelgan þeim til hjálpar á sínum fólksbílum.

Og þótt svo að það sé ekki búið að riðja leiðina þína til vinnu, þá þýðir það ekki að engin hefur verið að vinna við að riðja leiðirnar. Og hvernig veistu hvort það hafi ekki bara verið búið að riðja en snjóað aftur yfir. Eins og þú sjálfur segir, þá var búið að snjóa lengi... kannski byrjuðu þeir á þinni leið, þrátt fyrir allt!

Að setja út á skoðanir fólks af því það geri eina stafsettningarvillu segir meira um þig, frekar en þá.

[Þingmaður, 7.2.2008 kl. 10:30]

Ég vil leiðrétta eitt hérna. Björgunarsveitirnar eru að vísu ekki settir undir neitt ákveðið ráðuneyti, en njóta engu að síður ýmissa ríkisstyrkja og eru t.a.m. á fjárlögum. Því fara skattpeningarnir mínir vissulega í að halda þessum mönnum uppi. Og, já, mér finnst að allir þessir aðilar, allir sem vettlingi geta valdið og fá á annað borð laun fyrir að hjálpa fólki, sama hvaða nafni þeir nefnast, ættu að grípa skóflu eða saltpoka og BÆTA ástandið. Hvað annað er svo sem mikilvægara á degi sem þessum?

[Tinna (IP-tala skráð) 7.2.2008 kl. 10:33]

Til Sigfúsar hornamanns:

Að nota yfirborðsleg einkenni, eins og stafsetningavillu, til að reyna að draga úr réttmæti röksemdarfærslna, er dæmi um rökleysu. Ein stafsetningavilla (og þó þær væru fleiri) breytir ekki innihaldi texta.

En að öðru, hvað í ósköpunum heldurðu að björgunarsveitir, lögregla og fleiri séu að gera núna annað en að hjálpa almennum borgurum að komast ferða sinna? Það er nefnilega nákvæmlega það sem þessir aðilar eru að gera! En þessir aðilar hafa nóg á sinni könnu og þurfa væntanlega að forgangsraða. 

En allt það sem þú skrifar er þér ekki til framdráttar heldur lýsir mikilli fáfræði, að halda því fram að viðbragðsaðilar séu kúrandi undir sæng á þessari stundu bara heimska, eins og stendur standa björgunarsveitir, lögregla og vegagerð í ströngu við að hjálpa fólki sem álpast af stað yfir fjöll þrátt fyrir upplýsingar um slæmt veður og færð og er svo fast í skafli á illa útbúnum bílum.

Þú virðist ekki gera þér grein fyrir því að þessir aðilar búa ekki yfir endalausum mannskap og tækjabúnaði og geta því ekki hjálpað öllum þeim sem eru í svo stórkostlegri neyð að komast ekki milli bæjarfélaga. Fólk á bara ekki að vera það mikið fífl að geta ekki hjálpað sér sjálft í gegnum minniháttar vesen. Við búum jú á Íslandi og með smá fyrirhyggju hefði vel verið hægt að fylgjast með veðurspá og komið sér til eða frá höfuðborginni áður en veðrið skall á og allt varð ófært. 

[Margrét Elín Arnarsdóttir, 7.2.2008 kl. 11:49]

Jahérna. Já björgunarsveitir eru í fjárlögum en sá styrkur sem að þær fá frá ríkinu eru ekki nema nokkur prósent af því sem að það kostar að reka björgunarsveit, hvað þá á vetri eins og þessum. Þess vegna þurfa björgunarsveitir að selja flugelda og jólatré, sem nota bene er gert af fólki í sjálfboðastörfum. Björgunarsveitarmenn fá heldur ENGA borgun fyrir sín störf, hvort sem að það er að bjarga mönnum á jöklum eða að losa bíla úr sköflum. Það eru því ekki skattpeningar þeirra sem hér hafa tautað og kvartað sem að fara í björgunarsveitirnar...!!! Þessir sömu ættu nú bara að taka upp skóflur og fara út að moka, án þess að fá greiðslu fyrir, áður en þeir kvarta!!!

[Sigfús hornamaður (IP-tala skráð) 7.2.2008 kl. 12:06]

Nákvæmlega Tinna. Þetta er spurning um forgangsröðun. Hætta að leika sér endalaust upp á jöklum og taka myndir af því og monta sig og drullast til að hjálpa venjulegu fólki. Eru þetta ekki "björgunar"sveitir? Komment þitt um að fólk eigi nú bara að hjálpa sér sjálft segir svo margt um þína greindarvísitölu, en hún er í frostmarki, eins og geta þín í stafsetningu sem sannaðist svo skemmtilega áðan.

[Tinna (IP-tala skráð) 7.2.2008 kl. 12:34]

Sigfús, svona til fróðleiks þá hef ég farið í greindarmælingu og telst til snillinga (auk þess að dúxa alls staðar og vegna vel í lífinu)... En ég gæti samt trúað því að þú vitir ekki hvert frostmark er, nema þá að þú hafir verið að tala um Kelvin kvarðann? Því greindarvísitalan mín er nær frostmarki á Kelvin en Celsius. Að auki efast ég um að þú vitir hvernig greindarvísitala er tilkomin fyrst þú heldur að stafsetning hafi segi til um vitsmunalega getu fólks.

Annars þá nenni ég ekki að svara þér frekar, mér leiðist að ræða málin við treggáfað fólk sem hefur ekkert til málanna að leggja. 

[Steinar Sigurðsson (IP-tala skráð) 7.2.2008 kl. 12:45]

Snemma í morgun bárst beiðni frá neyðarlínunni um að björgunarsveitir aðstoðuðu bíla í ófærð. Allar sveitir í Reykjavík og nágrenni sendu bíla og menn í verkefni. Flest verkefnin voru og eru enn á Hellisheiði, Þrengslum og Reykjanesbraut.

Þetta eru allt launalausir sjálfboðaliðar sem taka sér launalaust frí frá vinnu eða skóla til þess að aðstoða.

Tæki og búnaður sveitanna eru keypt og rekin að lang, langmestu leyti af sjálfsaflafé sveitanna. Það eru fáar krónur sem skattborgarar leggja til. En við þökkum að sjálfsögðu fyrir þá sem hafa styrkt okkur í gegn um fjáraflanir og styrki.

[Sigfús hornamaður (IP-tala skráð) 7.2.2008 kl. 12:45]

Það er nefnilega það. Hin yfirgreinda Tinna dregur sig út úr umræðunni með málefnalegum stæl. Enda á hún erfitt með að skrifa því hún kemst ekki að lyklaborðinu fyrir dúx-medalíum og viðurkenningarskjölum fyrir gáfnafar. Samt kann hún ekki að skrifa orðið "skilgreina" án þess að gera a.m.k. eina stafsetningarvillu.

Glæsilegt "exit". Flott besserwissa athugasemd um muninn á Celsíus og Kelvin sem kemur...ja...umræðuefninu EKKERT við. Gaman samt að þú skulir vera svona klár og vitir allt þetta. Ég er að hugsa um að kommenta rækilega á bloggsíður næsta klukkutímann um muninn á kenningum Einsteins og Bohrs þegar kemur að nifteindamótstöðuafli. Þá mun fólk eflaust klappa rækilega fyrir mér.

Ég lít þá á þessa umræðu um björgunarsveitirnar sem unna. Ég er að búa til viðurkenningarskjöld handa mér núna. Ég skal útbúa einn fyrir þig sem stendur á "Handa Tinnu! Annað sæti (silfur) í rökræðu tveggja um tekjulindir björgunarsveita og starfshlutverk þeirra". Þú þyrftir endilega að taka við þessu enda ertu svo sólginn í viðurkenningu. Hvað er heimilisfangið hjá þér svo ég geti sent þér plattann?

Bestu kveðjur, Sigfús í horninu

hí hí

[Bjarki (IP-tala skráð) 7.2.2008 kl. 13:01]

Mér sýnist nú að þessi Sigfús sé bara tröll sem gerir í því að espa fólk upp, það er enginn svona rosalega illa með á nótunum. Best er að hunsa svona örvita.

Það er verra með þennan meinta fyrrverandi þingmann sem á þetta blogg. Hann virðist álíta að vegir lokist ekki vegna veðurs heldur vegna þess að þeir sem sjá um að ryðja þá liggji einhversstaðar með tærnar upp í loft og hafi tekið um það meðvitaða ákvörðun að nenna þessu ekki! Af því að „þingmaðurinn“ borgar skatta þá á bara alltaf að vera búið að moka veginn á undan honum óháð veðri, vegna þess að erindi hans eru jú svo mikilvæg og þola enga bið. Þetta virkar ekki þannig, við búum á Íslandi og það koma hér vond veður. Stundum er ekkert við því að gera nema bíða það af sér. Slappaðu af.

[Sigfús hornamaður (IP-tala skráð) 7.2.2008 kl. 13:21]

Mér mislíkar þessa pillu Bjarki. Verulega. Ég 43 ára gamall fjölskyldufaðir og bý fyrir austan fjall ásamt konu og þremur börnum. Ég fer þrengslin a.m.k. fjórum sinnum í viku (átta sinnum ef maður telur fram og til baka) og mér blöskrar stundum ástandið á veginum. Sérstaklega þegar ég veit fyrir víst að á sama tíma og þúsundir manna eru fastir þar eru fimm sex econline bílar að leita að a) einni týndri rjúpnaskyttu b) hollensku pari sem fór á fjallahjóli upp á Mýrdalsjökul í nóvember c) dópista sem er týndur á Esjunni o.s.frv. Og kallaðu þetta bara útúrsnúninga ef þú vilt, en þetta er samt sem áður staðreyndin. Það er staðreynd að hlutfallslega er mjög lítið tillit tekið til okkar 85% þjóðarinnar sem búum á suðvesturhorninu og það gildir einu hvernig er greitt fyrir þessa þjónustu...henni á ekki að vera sóað á vesalinga sem ættu frekar að vera úti.

Og ég kann því afar illa að þú skulir kalla mig "tröll" og skora hreinlega á þig að biðjast afsökunar.

Með kveðju, Sigfús Á. Páls.

[Bjarki (IP-tala skráð) 7.2.2008 kl. 13:27]

Sæll Sigfús. Ég biðst afsökunar á þessu hjá mér. Hefði ég vitað hvað bjó að baki skrifum þínum hefði ég aldrei kallað þig tröll né örvita. Mér fannst þú bara vera talsvert grófur í samskiptum þínum við Tinnu, eins og þú værir að espa hana upp. Þetta síðasta komment hjá henni var að vísu heimskulegt og ætlað að æsa þig upp, en þessi viðbrögð þín voru of hörð að mínu mati. Bjarki.

[Bjarki (IP-tala skráð) 7.2.2008 kl. 13:30]

Djöfull ertu þroskaheftur.

[Sigfús hornamaður (IP-tala skráð) 7.2.2008 kl. 13:34]

Ok, ég er fífl. Sorrý. Ég bý reyndar í Garðabæ. Pís át!

[Sigfús hornamaður (IP-tala skráð) 7.2.2008 kl. 13:35]

Segðu mér Bjarki. Líður þér ekki pínulítið núna eins og þú sért júdómaður sem er búinn að tapa? Liggur í gólfinu með hvítbómulsklæddan rass upp í andlitinu á þér og getur ekki hreyft þig?

Þetta sem þú ert að verða fyrir heitir víst "tap" á máli fagmanna.

Bestu kveðjur úr horninu, Fúsi

[Sigfús hornamaður (IP-tala skráð) 7.2.2008 kl. 13:47]

Sá sem skrifar í mínu nafni síðustu tvö komment er einhver brandarakall sem virðist ekki geta tekið þátt í siðaðri umræðu. Ég myndi aldrei láta útúr mér þvælu á borð við þessa. Ég stend þó heilshugar að baki fyrri skætingi í garð björgunarsveitanna, þær eru aldrei þar sem ég vil að þær séu heldur eyða þær tíma sínum í að eltast við einhver skoffín „úti á landi“ sem mættu mín vegna frjósa í hel og til baka. Það yrði bara landhreinsun að því.

[Bjarki borubratti (IP-tala skráð) 7.2.2008 kl. 13:54]

Æjæ. Það varð slys. Ég festi óvart andlitið á mér upp í rassgatinu á mér. Það er alveg pikkfast en ég ætla að ropa mér út.

[Erik van Vanderbildt (IP-tala skráð) 7.2.2008 kl. 14:01]

Hjálp ég er Hollendingur í vanda!

[Tinna (IP-tala skráð) 7.2.2008 kl. 14:05]

Þú ert svo fokking sjúkur Sigfús. Leitaðu þér hjálpar!

[Tinna (IP-tala skráð) 7.2.2008 kl. 14:30]

ATH - Einhverjir "húmoristar" eru að gera sér að leik að koma með komment hérna undir sömu nöfnum og þeir sem hafa áður tekið þátt í umræðunni. Ákaflega fyndið og skemmtilegt.

Það er sem sagt ekkert mark takandi á þeim nöfnum sem fólk skrifar undir hérna (ég á ekki öll komment sem "Tinna" skrifar undir og ég held að það sama eigi við um Sigfús og Bjarka).

[Einar Þór Strand, 7.2.2008 kl. 14:46]

Mikið er ég feginn að þú ert fyrrverandi þingmaður og ég vona að þú sjáir þér færi á að sleppa að taka lífeyri sem slíkur,  Þú og Sigfús ætlist til að aðrir reddi því sem reddað verður en það er einu sinni þannig að stundum er það ekki hægt hvernig sem menn reyna, kannski er það vegna þess að sumir sitja bara inni og þjást af bloggheila í staðin fyrir að taka sér bara skóflu í hönd sjálfir.

[Valdimar (IP-tala skráð) 7.2.2008 kl. 14:53]

Einar. Segir þú sem ætlar sko heldur betur að blogga allt í gang sjálfur. Djöfull fuku margir skaflar af vegunum með þessu kommenti. Úff.

[Þingmaður, 7.2.2008 kl. 15:12]

Sæl öll.

Ég hef nú áttað  mig á því hvernig ég útiloka fólk frá því að tjá sig á síðunni minni. Ég sá að einhver óprúttinn aðili gerði sér það að leik að tjá sig í nafni annarra og gera þeim upp skoðanir. Sá hinn sami hefur nú verið útilokaður frá því að tjá sig hér. Athugið þó að ég mun aldrei útiloka fólk frá því að tjá sig hér, enda sé það fólk ekki að gera öðrum lesendum óleik sem þennan. Lifið heil.

[Þingmaður, 7.2.2008 kl. 15:13]

Einar: hvað í ósköpunum kemur lífeyririnn minn málinu við?

[Kræst-dúkkan (IP-tala skráð) 7.2.2008 kl. 16:01]

Einar. Hvað veist þú hvort að þingmaðurinn hafi ekki bara fundið sér aðra vinnu. Kannski vinnur hann í banka (það er ekki ólíklegt) og þénar 1,4 á mánuði (það er algengt) og borgar því um hálfa kúlu á mánuði í skatt...og fyrir hvað...ekkert greinilega enda er ekkert verið að moka göturnar heldur liggja þessir aðilar greinilega í bæli sínu vel fram yfir kl. 6 en þetta lið ætti að vera á fótum kl. 02 og byrja að moka og hefla...létt fyrir þig að segja "hey...afhvejru kaupa sér ekki bara allir skóflu og fara að moka"

Ertu að fokking grínast? TIl hvers erum við að borga gatnamálstjóra og þessu liði skattpeninginn okkar ef það getur ekki rolast til að vakna á morgnana (nóttinni) og mokað?

[Björgunarsveitarmaður (IP-tala skráð) 7.2.2008 kl. 21:01]

Jæja, hér er margt sagt og enn meira af fáfræði mikilli. Ég er nú björgunarsveitarmaður, búin að vera í rúmlega 20 ár og síðustu árin í leitarstjórn björgunarsveitanna.

Sigfús, greyið mitt, það er nú þannig að björgunarsveitar koma alltaf til aðstoðar þegar þess er óskað en það er lögregla fyrst og fremst sem eftir því óskar, fyrr getum við ekki gert neitt, hversu margir sem fastir eru.

Þingmaður, björgunarsveitir eru ekki sjálfar á fjárlögum og fá sem einstakar sveitir ekki neitt frá ríkinu og ansi lítið frá sveitarfélögum amk hér í Reykjavík. Mín sveit þarf til að mynda að borga atvinnulóðarleigu. Hinsvegar fá sveitirnar niðurfelld aðflutningsgjöld af tækjum og það erum við þakklát fyrir.

Björgunarsveitarfólk er allt sjálfboðaliðar, borgar sinn búnað sjálft, mat og annað sem þarf og eyðir sumarfríinu sínu oft í útköll og eftir því sér ekki nokkur maður. Sem betur fer gefa ansi mörg fyrirtæki björgunarsveitarfólki frí á launum og það eru allir þakklátir fyrir.

Held að fólk geti eytt orðum sínum í annað en að dissa björgunarsveitir því þær koma alltaf til aðstoðar þegar um er beðið, hvort sem þingmaður er fastur, Sigfús týndur eða Frakkar eða Búlgverjar horfnir, svo einfalt er það :)

[Spuni (IP-tala skráð) 7.2.2008 kl. 22:24]

Það hljóta allir að sjá það þetta er grín,þráður búin til eingöngu til þess að skemmta og hræra í bloggurum. Meiri af þessu takk.