Búum við á landnámsöld?

Hvers vegna ætli sé ekki hægt að halda þessari leið opinni? Maður hefði haldið að Vegagerðin og aðrir viðbragðsaðilar væru öllum tækjum búnir til þess að geta haldið 40 kílómetra löngum vegarspotta tiltölulega snjóléttum - svona allavega rétt yfir mesta umferðartímann! Þarf fólk þá bara að gista á Hótel Örk fram á morgun?

Þetta finnst mér ekkert sérlega öflugar aðfarir hjá vegheflurum og öðrum sem koma við sögu.

Ætla yfir þrátt fyrir lokun

Athugasemdir

[lesandi (IP-tala skráð) 7.2.2008 kl. 17:06]

Já þetta er pottþétt eitthvað bland af leti og samsæri. Að sjálfsögðu er ekki séns að veðrið geti verið þannig að ekki sé hægt að halda leiðinni opinni.

Kannski ferðast þú ekki mikið þarna um en ég geri það, og þegar aðstæður eru eins og þær eru í dag þá stöðvast allt, aðallega vegna þess að fólk leggur á heiðina á bílum sem eru ekki nógu vel útbúnir. Þeir sitja svo fastir hist og her því verður aftur ómögulegt að ryðja og senda verður björgunarsveitirnar upp til að sækja þessar eftirlegukindur.

[Þorsteinn Þormóðsson, 7.2.2008 kl. 17:17]

Það er nokkuð ljóst að það er ekki skrítið að þú sért "fyrrum þingmaður" ef að þú lýtur svona á málið! 'eg held að þú ættir aðeins að kynna þér hvernig aðstæður starfsmenn á þessum tækjum búa við í svona veðurham!! Fyrir svo utan við alla þá bölvuðu hálfvita, já ég segi hálfvita, sem hlusta ekki á nokkurn mann og vaða á stað og láta svo björgunarsveitir sækja sig með tilheyrandi kostnaði!!

[Jóhann P (IP-tala skráð) 7.2.2008 kl. 17:17]

Það er alveg sama hversu góð tæki þú ert með, þau verða líka að lúta náttúrulögmálum. Og þvílíkar kröfur eru þetta. Hvað með það þó að fólk komist ekki á milli staða nokkra daga á ári?

[Gunni (IP-tala skráð) 7.2.2008 kl. 17:18]

Já ég er viss um að Vegagerðin gæti haldið Þrengslunum opnum með öllum sínum tækjum....en hvað þá um allar aðrar leiðir á landinu? Hver á þá að halda þeim opnum? Tækin öll upptekin við að passa að enginn gisti á Hótel Örk í eina nótt.

[Íslendingur (IP-tala skráð) 7.2.2008 kl. 17:18]

Já það er nú svo að við búum á Íslandi og þótt vegarspottinn sé ekki langur þá eru oft vond veður þarna og þegar veðrið er eins og það er um mestallt land í dag þá verða menn bara að sætta sig við það að komast ekki leiðar sinnar.  Tæki og tól vegargerðarinnar ráða ekki við veðrið þótt vegagerðarmenn myndu vera til í það.  En verstir eru þeir sem ekki hafa gert sér grein fyrir því að vanbúnir og / eða litlir bílar eiga ekkert í fjallvegina okkar í slæmum veðrum um hávetur.

[Heimir Tómasson, 7.2.2008 kl. 17:27]

Það vill nú svo til að ég hef unnið við snjómokstur á Hellisheiðinni og get borið fullt vitni um það að það eru tveir hlutir sem að jafnaði loka fjallinu.

Í fyrsta lagi eru bílstjórar sem að halda það að það sé miður júlí árið um kring og útbúa sig eftir því. Síðan festa þeir sig hvar sem snjó er að finna og loka fyrir öllu sem á eftir kemur. Til að komast framhjá þeim þá þurfum við að moka aðeins til fyrir aftan þá, draga þá svo frá og svoleiðis heldur ferlið áfram. Á meðan að við stöndum í því að draga til bíla sem eiga alls ekki að vera þarna þá hreinsum við ekki snjó af veginum á meðan, er það?

Og ef að við einbeitum okkur að því að hreinsa veginn (enda eigum við alls ekki að vera að standa í því að draga til fasta bíla samkvæmt verkreglum Vegagerðarinnar en gerum það samt oft til að hjálpa) og förum framhjá bílunum án þess að draga þá frá þá verður allt vitlaust og það rignir yfir okkur kvörtunum. Þetta er gríðarlega vanþakklátt starf og erfitt.

Í annan stað þá verða vindar þarna uppi alveg gríðarlega erfiðir viðureignar, sérstaklega við Drottningarpall. Þar verður blindan svo mikil að það er alveg rosalega erfitt að halda sér á veginum, hvað þá moka af einhverju viti.

Þannig að þú mátt vita það að "halda þessum 40km spotta" (sem er reyndar ekki nema um 12km - leiðin sem lokast yfirleitt er á milli þrengsaafleggjara og Hveragerðis) er talsvert erfiðara en þú heldur. Það kom talsvert oft fyrir að við vorum á 3 - kom meira að segja fyrir að við vorum með 5 - mokstursbílum þar uppi og höfðum ekki undan, þó svo að ekki væru bílar að þvælast fyrir okkur. Rokið, blindan og skafrenningurinn sáu til þess.

Það eru ekki margir dagar á ári sem að þetta verður svona en menn verða að hafa í huga að við búum við heimsskautsbaug, ekki miðbaug.

[Gestur (IP-tala skráð) 7.2.2008 kl. 17:35]

Ég spyr nú bara, er ekki í lagi með þig vinurinn, hefurðu kannski búið á Kanarí frá fæðingu og ert að koma fyrst heim núna?! Við búum nú einu sinni á ÍSlandi sem er staðsett við heimskautsbaug. Megum bara vera þakklát fyrir að það skuli ekki vera enþá kaldara hérna, frændfólk mitt sem býr nálægt Winnipeg í Kanada þarf að búa við 30-40 stiga frost þessa dagana en sú borg er álíka sunnarlega og London. Þannig að þú ættir ekki að vera að agnúast út í Vegagerðina og aðra þá sem sjá um snjómokstur enda eru þarna hetjur hversdagsins á ferð sem sjá til þess að við komust leiðar okkar

[Helga (IP-tala skráð) 7.2.2008 kl. 17:37]

Sammála Heimi Tomm.Þrjóskir ökumenn sem ætla sér yfir sitja fastir á veginum og þá er nú varla hægt að moka. Þetta snýst ekki um leti. Byrjað er að reyna að moka heiðina og þrengslin kl. 4 á nóttunni. Svo er veðrið ekki til að hrópa húrra fyrir. Bætir jafn harðan í.

[Sigfús hornamaður (IP-tala skráð) 7.2.2008 kl. 20:28]

Ég er nú sammála þingmanninum. Heimir Tomm kemur líka upp um sig með sinni athugasemd. Verklagsreglum er EKKI fylgt. Það var nefnilega það. Auðvitað á ekkert að sækja þessa aula sem festa sig þarna heldur einmitt að búa þannig um hnútana að bílar festi sig ekki punktur. Ég keyri þennan veg oft og þetta er einfaldlega rétt hjá þingmanni. Við búum ekki á landnámsöld og halló við búum talsvert fyrir sunnan heimskautsbaug (döh) og höfum þar að auki golfstrauminn. Þarf maður að kenna ykkur landafræði 103? Og halló, þetta er ekki samsæri og í raun ekki leti heldur bara metnaðarleysi og ekkert annað.

Svo er það hann Þorsteinn með sitt komment: "Það er nokkuð ljóst að það er ekki skrítið að þú sért "fyrrum þingmaður" ef að þú lýtur svona á málið!" Frábært. Skjóttu sendiboðann og hraunaðu svo yfir hann og endilega skjóttu inn svona stafsetningarvillum eins og "lýtur" til að gera málstað þinn örugglega pottþéttari. Djöfull er fyndið að sjá svona bloggkommenta hópefli þar sem allir eru í ruglinu og eru hreinlega á 17. öld í þröngsýninni.

[Heimir Tómasson, 7.2.2008 kl. 21:46]

Ég þykist nú vera nokkuð viss um að hornamaðurinn er einn þeirra sem að öskra hæst þegar hann er ekki dreginn úr skaflinum. Ein ástæðan fyrir því að við drögum svona bíla út úr sköflunum er sú að gera okkkur verkið auðveldara. Þegar að bílunum hefur verið komið frá er mun auðveldara að sinna verkefninu, altso hreinsa veginn. Þannig að ég á nú dálítið erfitt með að skilja að ég sé að "koma upp um" mig á nokkurn máta. Verklagsreglurnar eru þannig að ekki skal verið að losa bíla nema þeir séu fyrir og skapi hættu við hreinsun.  Þetta er bara spurning um að koma málum þannig fyrir að hæstvirtur þingmaðurinn og hornamaðurinn geti komið sér á milli landshluta án þess að hægja á sér niður fyrir 100km hraða. Þannig er akstursmátinn oft á fjallinu, sama hvernig veður eða færð er. Ég hvet ykkur til að fá að fara með ruðningstæki þegar að veðrátta er svona. Ég efast ekki um að þið gætuð unnið talsvert betra starf.

[Heimir Tómasson, 7.2.2008 kl. 21:57]

Og svona til að kenna þér landafræði 101 (sem þú hefur greinilega fallið í): Líttu á kort. Ísland er rétt við heimskautsbaug. Eins og ég sagði í upprunalega textanum. (Það er punktalínan sem sjá má á öllum kortum rétt fyrir norðan Ísland). Nánar má lesa um hann hér:
http://en.wikipedia.org/wiki/Arctic_Circle

Ágætis mynd af staðsetningu hans hérna:
http://www.athropolis.com/map3.htm

Skoðaðu svo hvar Ísland er. Mynd af því (ásamt heimsskautsbaugnum) má finna hér: http://en.wikipedia.org/wiki/Image:Map_of_Iceland.svg

Prófað verður úr kunnáttunni með vorinu.

[Sigfús hornamaður (IP-tala skráð) 8.2.2008 kl. 08:46]

Hellisheiði er um einni og hálfri lengdargráðu frá heimskautsbaug. Það myndi ég nú ekki kalla "við" heimskautsbaug. Það er ekki nóg að hlaupa 38 kílómetra til að komast í mark í maraþoni. Er það eitthvað sem dugar hjá Heimi Tomm og félögum? Kv. úr horninu frá Fúsa.

[Þorsteinn Þormóðsson, 8.2.2008 kl. 13:45]

Hehe það er nú ansi skemmtilegt að stafsetningarvillan þ.e lýtur í staðinnnnn fyrrrrirrr lítur skuli vera svona svakalega viðkvæmt fyrir þér Sigfús hornamaður! Þú hefur ekki minnstu hugmynd um hvað þú ert að tala um þegar kemur að þessu umræðuefni!! Svo ertu að springa úr hroka og berð fram hinn eina sanna sannleika er það ekki??