Fyrrum þingmaður

20.11.2007 | 14:15

TIL HAMINGJU MEÐ ÞETTA, EYÐSLUSEGGIR

Það hlaut að koma að því að útgjaldastefna ríkisstjórnarinnar biti litla manninn í rassinn. Það þýðir náttúrlega ekki að henda í sífellu peningum út um gluggann og vona bara að innistæðan í bankanum hækki í stað þess að lækka í réttu hlutfalli við eyðsluna.

Nú hef ég samt mestar áhyggjur af því að verkalýðsfélögin muni sýna af sér eitthver glapræði í komandi kjaradeilum. Það versta sem gæti komið fyrir okkar litla land væri ef verkafólk og aðrir sem eiga innkomu sína undir kjarasamningum komna fái ríflegar launahækkanir til að "vega upp á móti aukinni misskiptingu í þjóðfélaginu". Þá fyrst færi allt til fjandans.

Það er nefnilega dálítið eins og fólk eigi erfitt með að skilja að það eiga ekki allir HEIMTINGU á að fá Land Rover upp í hendurnar, sama hvaða atvinnu þeir gegna. Fólk þarf að vinna sig upp í Land Roverinn fyrst.

	Lánshæfishorfur ríkissjóðs versna
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Mér finnst að þeir sem láta svona þvætting út úr sér eigi að sjá sóma sinn í því að koma fram undir fullu nafni eða halda kjafti að öðrum kosti.

Að vísu nægja upplýsingarnar hér að ofan,fyrrum þingmaður segir allt sem segja þarf,það hefur aldrei verðið sterkasta hlið þingmanna að standa fyrir máli sínu.

Og svo á að koma með gömlu tugguna,ef þeir lægst launuðu fái kjarabót þá fari allt til fjandans.

Ég hef nú verið æðilengi virkur í verkalýðsbaráttu og get fullyrt það, að þegar þessi hætta brestur á þá er það vegna þess að þeir sem hærri hafa launin koma með sínar kröfur á eftir,og sprengja alt til fjandans.

Og eigi einhverjir skilið Land Rover þá eru það þeir sem lægstar hafa tekjurnar því það eru þeir sem VINNA.

Síðan eru aðrir sem verðlauna sig sjálfir með Land Rover og hafa lítið eða ekkert lagt af mörkum á vinnumarkaði

Ari Guðmar Hallgrímsson, 20.11.2007 kl. 15:04

Fyrst af öllu langar mig til að þakka þér fyrir beinskeitt svar. Það er greinilegt að það er töggur í þér.

Hins vegar verð ég að óska þér til hamingju, líkt og eyðsluseggjunum.

Sú fullyrðing þín um að þeir sem helst eigi skilið að fá Land Rover séu þeir sem lægstar tekjur hafa brýtur í einu vetfangi gegn flestum þekktum lögmálum hagfræðinnar. Ég hugsa að ég hafi aldrei séð svo mörgum reglum hagfræðinnar kastað fyrir róðann með einni setningu.

Ég endurtek: fái þorri fólks hér á landi 10% launahækkun í næstu kjarasamningum hækkar verðbólgan að sama skapi um ca. 10%. Hvar eru menn þá staddir? Á sama stað og þeir eru í dag, eða á verri stað vegna verðtryggingar lána þeirra?

Þingmaður, 20.11.2007 kl. 15:21

Það vantar ekki alhæfingarnar Ari. Eru það bara þeir sem hafa lægstar tekjurnar sem VINNA? Ég er nú svo ómerkilegur og latur einstaklingur að ég fór í háskólanám. Ekki bara það heldur er ég slíkt skítseiði að vera með mjög góð laun. Ég vinn aldrei skemur en 10 tíma vinnudag og ég ber ábyrgð. Ábyrgð sem lýsir sér í því að ef ég geri mistök í minni vinnu (sem sjálfstætt starfandi sérfræingur) þá mun ég að öllum líkindum þurfa að greiða verulegar fjárbætur. Af hverju er mín vinna ómerkilegri og óverðugri en þín?

G. Blö. (IP-tala skráð) 20.11.2007 kl. 15:26

Ég skil alveg að þú viljir ekki láta nafns þíns getið.

snoram (IP-tala skráð) 20.11.2007 kl. 15:37

Þingmaður : Ég tek undir þetta með þér að ef láglaunafólkið fái 10% hækkun þá hækki verðbólgan einfaldlega upp á móti, en ég hins vegar hugsa að hún hækki ÁVALLT meira en launahækkanir. Enda hefur það oft sést að þegar 3% launahækkanirnar ganga í gegn, þá er verðbólgan oftar en ekki komin upp í og yfir 5% þegar vel er gengið á árið.

Auðvitað á enginn vinnumaður, verkamaður eða menntamaður, að vera minna metinn en annar, enda gegna þeir allir (eða þau öll er nú réttara að segja) mikilvægu hlutverki í þjóðfélaginu.

Svona til að koma með, hvað eigum við að segja, súrrealískt viðhorf : Ef enginn væri verkamaðurinn hvað þá? Þá væru væntanlega allir menntaðir og hvað þá? Þá væri menntamaðurinn kominn í láglaunastöðu og þeir sem væru sérmenntaðir væru hærra metnir af atvinnuþjóðfélaginu. Ef enginn menntaði sig, væri eingöngu reynsla og starfshæfni verkamanna sem stæði á bakvið þeirra stöðu og launahæð.

Það er í raun ekki hægt að berjast gegn þessu frá þessu sjónarhorni, Íslendingar eru eyðsluklær og þurfa alltaf að eiga það flottasta og besta, hvort sem þeir hafa efni á því eða ekki. Það eru tekin lán hægri vinstri og greiðslubyrgði heimilanna eru orðin fáranlega háar. En hins vegar er staðan orðin sú í dag að ef þú vilt eitthvað þá þarftu að taka lán, ástæða, hækkandi fasteignaverð er eitt af þeim dæmum sem hægt væri að taka.

Ekki endilega það að fólk taki helling af lánum þegar það þarf að greiða milli 100-200 þúsund fyrir íbúð á mánuði, þar sem hækkandi greiðslubyrgðin er hætt að leyfa það. Lán fyrir íbúðinni og lán fyrir borgun uppí íbúð eru nógu hág fyrir og vextirnir með.

Efast nú um að þetta innlegg mitt sé einhver viðbót við greinina, enda tel ég mig nú ekki þekkja hagfræði og alla þessa fræði í kringum þetta, en ég veit hins vegar að þetta er þróun sem er virkilega slæm fyrir okkur, sama hvernig á það er litið og verður einhvern veginn að reyna að berjast gegn þessari áframhaldandi þróun.

ViceRoy, 20.11.2007 kl. 16:08