Ganga menn ekki heilir til skógar?

Hvers lags ribbaldalýður er farinn að vaða hér uppi? Þetta minnir mann helst á það þegar Þorgeir Hávarsson hjó Butralda í herðar niður. Maður spyr sig, var ekki bara hægt að hringja á lögregluna, frekar en að grípa til saxins fyrst? Þá myndi ég ekki kalla það að "fara betur en á horfist" þegar manngreyið hlýtur klofið nef af athæfinu.

Mann setur hálfhljóðan þegar maður heyrir af mönnum sem slá aðra menn um lán, neita svo að greiða það til baka og grípa til vopna í stað þess að borga skuldir sínar! Ættu menn ekki frekar að greiða sínar skuldir í stað þess að reyna að koma sér undan þeim?

Klauf nef árásarmanns með saxi

Athugasemdir

[Sturla H. Einarsson (IP-tala skráð) 3.9.2007 kl. 11:35]

Ekki myndi ég bíða eftir því að lögreglan mætti á svæðið heldur myndi ég líklega gera eitthvað svipað ef ég lenti í sömu stöðu og þessi maður.

[Róbert Tómasson, 3.9.2007 kl. 11:42]

Skil húsráðanda vel það er full seint að hringja á lögreglu þegar búið er að brjóta upp hurðina, gott hjá honum að láta ekki vaða yfir sig.

húsráðandi 1 - innbrotsþjófar 0

[Ásgeir Henningsson (IP-tala skráð) 3.9.2007 kl. 11:59]

Ég er svo hjartanlega sammála athugasemdunum hér á undan. Það á bara ekki að láta svona pakk komast upp með innbrot og ribbaldahátt.

Ef einhver reynir að brjóta sér leið inn í mína íbúð þá vona ég að ég hafi kjark og snerpu til að grípa til saxins og slá frá mér!

Jú, ef það er tími til að hringja í lögreglu þá er það sjálfsagt. En á meðan hún er á leiðinni á vettvang þá slæ ég frá mér með saxi. 

[Jón Bjarnason (IP-tala skráð) 3.9.2007 kl. 11:59]

Ég skal glaður höggva þann mann/konu í herðar niður sem myndi brjótast inn á mitt heimili og ógna minni fjölskyldu.

[t (IP-tala skráð) 3.9.2007 kl. 12:03]

Held þú hafir eitthvað misskilið fréttina:

"Samkvæmt upplýsingum frá lögreglu ætluðu tveir karlmenn um tvítugt að ráðast á húsráðanda en annar þeirra skuldaði honum fé."

Sem sagt annar árásamannana skuldaði húsráðanda en ekki öfugt.

Og varðandi það að vorkenna árásamanninum, þá hefði hann nú átt að hugsa sig tvisvar um áður en hann brýst inn hjá einhverjum..

[Þingmaður, 3.9.2007 kl. 12:07]

Jæja, ég misskildi fréttina greinilega aðeins.

Mér finnst það samt sem áður vera öllu verra fyrst að það er sjálfur lánadrottnarinn sem gengur í skrokk á skuldaranum.

Ég er satt að segja nokkuð hneykslaður á þeim athugasemdum sem hafa komið hér að framan um að svona nokkuð sé bara í lagi og vel réttlætanlegt á þeim forsendum að menn hafi sparkað upp EINA ÚTIDYRAHURÐ!

[Joseph (IP-tala skráð) 3.9.2007 kl. 12:24]

Ertu algjör fáviti ??

Auðvita verndar maður húsið sitt og unnustuna sína með kjafti og klóm.... Held að það séu bara aumingjar sem leggjast undir borð og hringja á lögguna.  Löggan bíður heldur ekkert fyrir utan hurðina hjá þér tilbúin að hjálpa þegar einhver brýst inn.... hún tekur sér allavega 10 mínútur að koma og þá er kannski búið að nauðga konunni þinni.

[Matti S (IP-tala skráð) 3.9.2007 kl. 13:03]

Segi það! Af hverju borgaði hann ekki bara skuldina eða fékk sér Heimavörn Securitas?

[Fransman (IP-tala skráð) 3.9.2007 kl. 13:29]

Það eina sem ég skil ekki í þessu máli er af hverju húsráðandi notaði ekki fátið sem eflaust hefur komið á vitorðsmann þess sem hann hjó andlitið af, til að höggva saxinu í andlitið á honum líka.

Spáið í þessu, hann hefði getað sneitt þá báða í litla gúllas bita. 

[Árni Torfason, 3.9.2007 kl. 13:33]

Lélegt að þora ekki að skrifa undir nafni. Og þar af leiðandi hef ég lítinn áhuga á að lesa það sem þú hefur að segja.

[Geiri (IP-tala skráð) 3.9.2007 kl. 18:19]

Ég man nú eftir því þegar ég var í partý í Hafnarfirðinum og ungur maður kom og ógnaði gestum með haglabyssu... Það var hringt strax í lögregluna...

15 MÍNÚTUM seinna komu tveir óvopnaðir lögreglumenn og bönkuðu á dyrnar í rólegum fíling. Sem betur fer var árásarmaðurinn farinn, braut bara eina rúðu og vildi hræða vissa aðila. En á þessum 15 mínútum hefði hann auðveldlega getað drepið alla og forðað sér. Þetta sama kvöld var víkingasveitin að skipta sér af rifrildum hjóna á Álftanesi... grunur var að maðurinn hefði skotvopn en kom í ljós að svo var ekki. 

 Pointið er að ég treysti ekki lögreglunni hér á landi fyrir eigin öryggi. Maður á bara helst að hafa vopn á heimilinu.