Aðgerðaleysi lögreglu

Ég á bágt með að trúa því að móðirin hafi beðið lögregluna um að hræða drenginn, eins og lagt er upp með í fréttinni. Líklegra þykir mér að hún hafi beðið lögreglumennina um að tala hann til svo að ekki þyrfti að leggja fram kæru á hendur honum. Að lögreglan yppti bara öxlum finnst mér forkastanlegt. Hvers vegna ætli lögreglan hafi ekki getað talað drenginn til í alvörutón, sem greiða við almennan borgara? Voru lögreglumennirnir of óþreyjufullir að fara að sekta fólk fyrir smávægileg umferðarlagabrot?

Ég bara spyr.

Lögregla kölluð til vegna deilna um tölvunotkun

Athugasemdir

[Helgi Hrafn Gunnarsson (IP-tala skráð) 31.8.2007 kl. 10:26]

Lagalega ástæðan er sú að framkvæmdavaldið má ekki gera neitt nema það sem henni er sérstaklega leyft, öfugt við það sem gildir um borgara, þar sem hlutirnir eru löglegir þar til þeir eru sérstaklega bannaðir. Þetta er lagalega ástæðan. Lögreglan má ekki gera neitt í starfi sínu nema það sé samkvæmt lögum. Og líka eins gott, því það væri brjálæði að leyfa lögreglunni að beita geðþótta í að ákveða hvað hún megi eða megi ekki gera.

Þetta nefni ég án þess að svara spurningunni siðferðislega, þ.e. ég skil alveg hvað þú ert að fara og gæti svosem verið sammála um að lögreglan gæti gert gott, en það verður bara að vera lögbundið, annars búum við samkvæmt skilgreiningu í lögregluríki (sem ég vil meina að við gerum reyndar, en samkvæmt lögum).

[Nanna Katrín Kristjánsdóttir, 31.8.2007 kl. 12:57]

Mér finnst það ekki vera í hlutverki lögreglunar að vera taka að sér að uppeldishlutverk.  Þeir hafa ekki forsögu þessa drengs, hver veit hvaða heimilis aðstæður eru þarna og lögreglan gæti gert illt verra fyrir strákinn.  Ef móðirin er í vandræðum ætti hún að leita sér hjálpar hjá sálfræðingi eða fá aðstoð í skóla drengsins.