R-listinn stimplar sig inn í borgina

Gat verið að einföldustu hlutir færu að vefjast fyrir mönnum um leið og R-listinn (eða BDSM-listinn) komst aftur til valda. Ég man ekki eftir einu einasta bilaða umferðarljósi í þann stutta tíma sem sjálfstæðismenn fengu að stjórna hlutunum í borginni.

Það er í það minnsta merkileg tilviljun.

„Bagalegt ástand“

Óeðlilegt að Neytendasamtökin tjái sig um svona mál

Hér eru samtökin að tjá sig um verð á afþreyingarvöru sem getur engan veginn talist nauðsynleg fólkinu í landinu. Hvers vegna í ósköpunum er formaður Neytendasamtakanna að tjá sig um verðlagningu fyrirtækis á vöru sem fólk þarfnast engan veginn? Ég vil minna á það að Neytendasamtökin hljóta fjárframlög frá ríkinu.

Skattpeningar mínir fara í það að fjármagna gagnrýni samtakanna á verðlag á sjónvarpsþáttaraöð!

Vilji fólk leigja íslenskan gamanþátt á hærra verði en annars staðar, verði því þá að góðu. Neytendasamtökin ættu að hafa sig hæg í svona málum og einbeita sér í staðinn að einhverju sem skiptir í raun máli fyrir fólkið í landinu. Verð á íslenskum gamanþætti skiptir hér um bil engu máli í hinu stóra samhengi og kemur þessum blessuðu samtökum ekkert við.

45% dýrara að leigja en kaupa Næturvaktina

Gott að láta reyna á takmörk tjáningarfrelsisins

Ég fagna því ávallt þegar menn reyna að komast að því hvar stjórnarskrárvarið tjáningarfrelsið endar og mörk þess til verndar hagsmunum annarra eru dregin. Meira vil ég ekki segja um Ástþór og hans tilburði.

Ástþór kærir Þórunni

Svona menn voru kallaðir hippar fyrir nokkrum árum

... og menn, sem leggjast gegn því að aðrir græði á lóðum á kostnað gamalla kofa sem tengjast í besta falli aðeins góðum minningum, ætti með réttu að kalla hippa enn þann dag í dag.

Skyndifriðun beitt á Laugavegi