TN með puttana í öllu

Það er óhætt að segja að Talsmaður neytenda sé með puttana í öllu sem honum dettur í hug. Honum er ekkert mannlegt óviðkomandi.

Mér er eiginlega farið að finnast hann mega slaka aðeins á klónni. Ég sé ekki alveg hvaða hagsmunum afskipti í svo miklum mæli þjóna.

Talsmaður neytenda ávítar ljósmyndastofu

Athugasemdir

[Villi Asgeirsson, 23.9.2008 kl. 13:00]

Já, en er ekki þarft að tukta svona menn til? Á ég kannski að senda öllum heimilum á landinu póstkort þar sem þeim er boðið að dánlóda stuttmyndinni minni gegn greiðslu? Allir geta sótt hana. Þeir sem ekki vilja sjá hana geta sent mér póstkort til baka. Fái ég ekkert svar innan 14 daga, sendi ég reikning upp á 2000 krónur. Ég gæti verið kominn með 100 millur inn á reikninginn á nokkrum vikum.

[Þingmaður, 23.9.2008 kl. 13:37]

Þetta er náttúrlega hálfgert öfgadæmi sem þú nefnir. Fólk þarf bara að vera dálítið vakandi í svona hröðu þjóðfélagi. Ég hugsa að fólk sé nokkuð meðvitað um það.

[Villi Asgeirsson, 23.9.2008 kl. 13:45]

Öfgadæmi, en sama prinsippið. Bókaklúbbarnir virkuðu svona, en þar þurfti maður að skrá sig fyrst. Ég get ekki séð hvernig einhver getur boðið þjónustu sína og tekið þögn sem samþykki. Ég veit ekki hvernig staðið var að þessu, en er það mögulegt að krakkarnir hafi verið látnir fá bréf, sem þeir svo hefðu getað gleymt að koma til skila? Er það þá foreldranna að greiða með brosi fyrir myndir ,sem virðast ekki vera upp á marga fiska miðað við önnur blogg um málið?

Ég ætla ekki að dæma um TN, enda þekki ég ekki til á þeim bæ. Það sem ég er að reyna að segja er að biðji maður ekki um vöru og þjónustu, á maður ekki að þurfa að borga fyrir hana. Nóg er plokkað af manni samt.