Auglýsingum bankanna um að kenna

Hvað er meira að segja um þetta? Neytendur eru ginnkeyptir fyrir auglýsingum og markaðsmennsku, enda bara mannlegir. Ég held að bankarnir ættu heldur að vera raunsæir í auglýsingum sínum í stað þess að hvetja neytendur í sífellu til að taka lán á lán ofan. Gott dæmi um það er þegar bankar stæra sig af því að bjóða viðskiptavinum sínum upp á yfirdráttarlán með AÐEINS 20,4% vöxtum á ársgrundvelli. Mér finnst að menn ættu að skammast sín.

Þá tekur botninn alveg úr þegar maður horfir upp á ónefnd fjármálafyrirtæki sem hvetja fólk sem ekki veit betur til að taka lán í erlendri mynt þegar krónan er í sögulegu hámarki.

Eru ekki til lög um svona kjánaskap? Spyr sá sem ekki veit.

Íslenskir neytendur bjartsýnir þrátt fyrir óróa á fjármálamörkuðum

Athugasemdir

[Baldvin Esra Einarsson (IP-tala skráð) 29.8.2007 kl. 00:43]

Eiga bankarnir þá að auglýsa hversu ömurlegir þeir eru?

Er það ekki kjánaskapur neytandans að láta glepjast.